جبتلكم الحل ((للشـــــــيب)) بشي طبيعي..لاللصبغات..سواد100%

السلام عليكم ورحمة الله وبركاته




اولا من تستفيد من هالوصفه ........وتعتمدها لتغطية الشيب





ثانيا...

الصبغات تتعب وتقهر كل ماحطت براس من سنين...لانها تعدم الشعر
وبعض الاحيان تطنش الصبغه لان ابي الشعر يرتاح من الصبغه
لكن الشكل ابيض واسود كوكتيل والنفسيه تصير زفت



المهم قبل فتره عرفت هالوصفه.....والله يجزاهم خير من دلوني عليها

وفعلا جربها ناس أعرفهم صارت شعورهم سودااااااااا 100%

والله يابنات كنك صابغه صبغه كوليستون اسود

الشيب يصير اسوووووووووووووووووووووووووووو د
وقالوا باي باي للصبغه

ويارب لك الحمد والشكر.............عالرغم كانت امي يائسه الاقي حل طبيعي...

الحين نجي للوصفه



اولا هي تعتمد على خطوتين...................

ليش؟.....................لان اي صبغه طبيعيه ماتمسك بالشعر فلازم نحط قبلها اساس....


الوصفه:


((الاساس))
1- تغلين كوجراتي (كركديه) مع ماء......الكميه قفشة بيدك ........تغلينها بماء حسب الماء الي يعجن حنتك...
وبعد ما يغلي تقريبا نص ساعه................تصفين الكركديه.............وتاخذين فقط الماء


2- تحطي حنه بالكميه الي تبينها وحسب شعرك وتضعي عليها دم غزال ملعقتين او ثلاث....وتزيدين حسب مقدار حنتك .....وتعجنينه بماء مغلي الكرديه

وتخليه يتخمر ساعه او نص ساعه..

3- تحطينه بشعرك وكل ماطالت الفتره افضل اربع ساعات او اكثر بالنسبه لي انام فيه.....12 ساعه اخليه...

4- تغسلينه

كيذا انتهينا من وضع الاساس....حتى تمسك الصبغه




.............................. .............................


الحين بنصبغ ممكن بعد الخطوه الاولى على طول....بعد ما غسلتي شعرك



2-((الصبغه))

تجيبين كتم اربع او خمس ملاعق حسب احتياج شعرك طوله وكثره........وتخلطينه بقليل ماء تقريبا فنجان قهوه ماء.......تخلطينه لين تروح الكلاكيع
ثم تضيفين عليه زبدية لبن زبادي وتعجنينه كويس...........تخليه مو جامد مثل اللبن الزبادي

وتخليه يتخمر ساعه تقريبا

ثم تضعينه بشعرك ثلاث ساعات اربع او اكثر افضل.............كل ماطالت المده افضل


تغسلينه..............


وتمتعي بسواد شعرك من غير صبغات ولا هم.........خاصة لو كنتي حامل مالك غير هالحل...

..................



ملاحظاتي: تكرار الكتم مع اللبن الزبادي.............بعدها بيومين ثلاث او حتى اسبوع يزيد السواد


2- كل ماكررتي الوصفه زاد السواد اكثر واكثر عالرغم النتيجه تظهر من اول مره


كل ماطالت الفتره بوضع الحنه الاساس او وضع الصبغه الي هي الكتم يعطي نتيجه افضل

خلي الحنه تتخمر ساعه او اكثر ايضا خلي الكتم مع اللبن يتخمر...........هالشي يعطي نتيجه افضل


اخر ملاحظه الرسول عليه الصلاة والسلام وصانا بالكتم...........سبحان الله طلع فعلا هو العلاج الوحيد للشيب


تحياتي لكم ...........الأصدقاء